Тошкент шаҳар ҳокимлиги огоҳлантиради: шаҳарда чиқиндиларни дуч келган жойга ташлаётган қоидабузар фуқароларга нисбатан чоралар кўрилмоқда!Ҳокимлик шаҳарликлар мурожаатларини диққат билан тинглаб, пойтахтда тозаликни сақлаш учун қатъий чоралар кўрмоқда.Ҳуқуқ-тартибот органлари билан ҳамкорликда белгиланмаган жойларга чиқинди ташлаётган қоидабузарларга қарши оммавий рейдлар ўтказилмоқда. Уларга нисбатан амалдаги маъмурий жавобгарлик тўғрисидаги қонунларга мувофиқ жазо чоралари қўлланилади.Шаҳарда тозалик ва тартиб ҳар бир фуқаронинг масъулиятидир. Биз аҳолини қоидаларга риоя қилишга, атроф-муҳитни ҳурмат қилишга ва она шаҳрининг ифлосланишига йўл қўймасликка чақирамиз.